.
.
.
السلام عليكم ورحمة الله وبركاته
هالكب كيــك مرررره جنااااان أخذتهـ من أحد المنتديات وطبقتهـ
تحسين كأنك تاكلين كيك بحلاو
ســــهل وينضبط من أول مـــرهـ 
المقدر يكفي 18 حبهـ تقريباً …
المقـاديـر بالاكواب المعياريه :
علبة جيلي توت -روزبيري- مذوبه بكوب ماء مغلي / ممكن تستبديلين جيلي التوت بجيلي الكرز كلهم نفس الشي
نصف كوب عصير ليمون جاهز او انتي تصلحينه بانك تعصرين ليمونه وتزيدينها مويه وسكر لحد مايضبط معك الطعم بس لا تخلينه حالي مره اطعم
علبة خليط كيك بيتي كروكر ابيض او بالفانيلا
3 بياض بيض
ربع كوب ماء
ثلث كوب زيت
الطـريقـه :
لبسي صينية الكب كيك بورق البليسيه وسخني الفرن على 180 م أو 320 ف …
أنا لبستها الفضـــي 
أحسهـ ينسب كثير مع البيبي بينـــك
باستخدام العجانه او الخلاط اليدوي اخلطي : خليط الكيك + بياض البيض + ربع كوب ماء + ثلث كوب زيت
+ ربع كوب من عصير الليمون + ربع كوب من الجيلي المذوب – بس انتبهي لايكون حار مره يخرب الكيك
اخلطيهم اول شي مدة دقيقتين على سرعه بطيئه بعدين دقيقتين سرعه متوسطه …
صبي الخليط بصينية الكب كيك – اكثر من النصف بشوي –
وحطيهم بالفرن بتاخذ تقريبا نصف ساعه
بقولكم على شي : ترى لما تصير بالفرن بتلاحظين انها بتتحول لدونات 
بترتفع الاطراف واللي في الوسط ينزل مره 
لايضيق صدرك وتحسبين الكيك خرب ، ماراح يأثر لا عالطعم ولا عالشكل لان الكريمه بتغطيه 
ولا تحمرينه من فوق مايحتاج يكفي تشوفين الاطراف تغير لونها ،،
اول ماتطلع وهي حاره خرميها بالشوكه
اخلطي باقي عصير الليمون مع باقي الجيلي – بس خوذي من الجيلي نصف فنجال شاي على جنب –
وشربي الكيك بهالخلطه – وخليك كريمه كلما كثرتي كلما صار احلى بكثيييييييير _
ودخليهم الثلاجه يبردون شوي بس ،،
كـريمـة التغطيـة :
قشطة خفق اخفقيها حتى تثقل – ترى بتاخذ وقت لا تستعجلين عليها –
لما توصل القوام المضبوط حطي عليها شوي سكر بودره – ماله مقياس محدد انتي ورغبتك –
وباقي الجيلي اللي خليتيه على جنب ،،
وقلبيهم بشويش حتى ماتروح نفشة الكريمه
وبالقمع شكليه فوق الكب كيك وقدميه بالطريقه اللي تحبين 
المره الأولى الي سويتها طلعت الكريمه جنان بس ماأمداني أصور
والثانيهـ الي هي ذي ماضبطت الكريمــهـ
كلهـ من أخوي الله يصلحهـ ويحفظهـ في غربتهـ 
<<<< تقلبت عليها الموجع
تقل عطيتوني وجه
المهم مالكم بالطويلهـ وأنا أخلط الكريمهـ
واقف فوق راسي
يابنت أن ماأستعجلتي بنروح عنك
كل شيء عاد ولا أجتمااااااااااااااااع الخميس وأمي نوري
جيتكم من العجلهـ وأخلط الكريمه والسكر بالخلاط وصارت سايلهـ
من زود القرامهـ ههههههههههههههههههه
وهو خطأ علي لازم كذا >> (( تخلطون الكريمة لحد ماتنفش بالخلاط بعدين تضيفون السكر البودرة بشويش وبملعقة المطاط هي والجيلي ))
وتجملينها بالي تبغين أن جملتها بفراولهـ وفارماسيل
الله يخلف علينا عاد حنا عندنا مثل هاالفارماسيل
بس عاد لتوضيح
والشكل النهائي كلن يقدمه على ذوقهـ
أنا صفيته في قاعدة الـــ cup cake
وهذا تصوير بطريقة ثانيــــهـ 
وبـــــــس
.
.
.
سمـو أنثـــــى 